Bakıda yol polisi ilə sürücü arasında insidentin TƏFƏRRÜATLARI

Xəbər verdiyimiz kimi, ötən gün Bakıda yol polisi ilə sürücü arasında insident yaşanıb.

Sürücünün növbəti videogörüntüləri sosial şəbəkələrdə böyük müzakirələrə səbəb olub.

Yayılan video ilə bağlı Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli Sonxeber.az-a açıqlamasında bildirib ki, sürücü Mehdiyev Səməndərin dediyi fikirlər əsassızdır.

"Həmin şəxsin avtomobilində xarici ölkə vətəndaşı olub. O əməkdaşlarımıza taksi fəaliyyəti ilə məşğul olduğunu bildirərək hava limanına çatdırmalı olduğunu deyib. Əməkdaşlarımız vətəndaşın təyyarəyə gecikməməsi üçün onu yola salıblar. Taksi xidməti ilə məşğul olma məsələsi onun özünü polis əməkdaşlarına ilkin təqdim etməsi ilə bağlıdır.

Videoda o bildirib ki, mən sahibkaram. Ölkəmizdə sahibkar olmaq üçün VÖEN açdırmaq lazımdır. Yol polisi isə heç kimin VÖEN-nin yoxlamır ki, sürücü sahibkardı ya yox. Sürücü saxlanılma səbəbini avtoxuliqanlıq bildirəsə də bu fikir yanlışdır. Qanunvericiliyə əsasən, günün günorta vaxtı yolda gedən adamı avtoxuliqan kimi saxladınsa, 511-ci maddə ilə ona protokol açmaq lazımdır. Avtomobilin üzərində həbs qərarı cərimə olduğu üçün saxlanılıb.

Qeyd etmək istəyərdim ki, həmin şəxs 16 sentyabr artıq cəriməsini ödüyüb.
Polisin əlini ayağı ilə sıxıb saxlaması, pəncərəni qaldırması və polisə tabe olmaması açıq- aşkar görsənir. Video vasitəsi ilə özünü təmizə çıxartmağa çalışması sübut deyil. Əlavə olaraq hər hansı iddiası varsa, məhkəmə qarşısına çıxa bilərdi".
AYSEL QULİYEVA

Telegramda izləyin