Azərbaycan və Ermənistan arasında sülh sazişi imzalana bilər?

Üçtərəfli görüşün nəticəsi çoxlarını düşündürür. Bu görüşdən sonra sülh mətni hazırlana bilər?

Mövzu ilə bağlı politoloq Azər Qasımlı Sonxeber.az-a açıqlama verib.

O bildirib ki,hər hansı bir sülh mətninin hazırlanması nəzərdə tutulmayıb.

"Bu uzun müddətli bir prosesdir. Prosesin problemli tərəfi iə Rusiya faktorunun olmasıdır. Rusiya bu bölgədə güclüdür. Rusiyanın təsir etmə mövqeyi var. Bu halda isə sülh mətninin imzalanması müəyyən zaman alacaq.

Belə gö rüşlərin irəlidə yenidən keçirilməsi mümkündür. Amma inanmıram ki, bu görüşlərdən sülh sazişi, ciddi mətnlər çıxsın. Məsələ burasındadır ki, qərbin hazırda marağı ondan ibarətdir ki, bütün dünyanın diqqəti Ukraynadadır. Onlar bu diqqəti yayındırmaq istəmirlər. İkinci cəbhələr, bölgələrdə hansısa toqquşmalar olmasın. Dünyanın bütün diqqətinin Ukraynada olmağına çalışırlar. Ona görə belə toqquşmaların olması, müharibənin yenidən başlaması onların maraqlarına uyğun deyil. Təbii ki onlar yenidən çalışacaqlar ki, olan statusu saxlasınlar. Bunun üçün də sözsüz ki, görüşlər və danışıqların aparılması zəruridir.

Mən düşünürəm ki, Ermənistan və Azərbaycan arasında olan münasibətləri post-Ukrayna dövrünə saxlayırlar. Məsələn Brüssel görüşündə onlar real vəziyyəti çox gözəl bilirdilər. Onlar bunu post-Ukrayna üçün saxlayırlar. Yəni Rusiya zəifləyəndən sonra Rusiya faktoru ortadan çıxsın və onlar istədikləri kimi davranıb bölgəyə sülh gətirsinlər".

AYSEL QULİYEVA

Telegramda izləyin