İsti kabinetini soyuq səngərə dəyişən şəhidimiz oğlu danışdı

"Mənim atam vəzifəli dövlət məmuru idi və müharibə başlayan ilk gündən o könüllü şəkildə ehtiyatda olan zabit olaraq ordu sıralarına yazılır və öz isti kabinetini soyuq səngərə dəyişir.
Axşam saat 7 di olardı və ataya zəng gəldi o zaman atam heç evə getmədən birbaşa hərbi komisarlığa getti.Atamla son görüşümüz orda oldu və atamla sağollaşanda sanki ikimizdə bunun son görüşümüz olduğunun fərqində idik.Bir birimizi çoxlu qucaqladıq və atam mənə dediki "Mən sənə güvənirəm və gözüm arxada qalmayacaq.İnşallah qısa zamanda qələbə xəbərini sizə verəcəm"
Bu sözləri şəhid İlqar Vəliyev oğlu Vəli Vəliyev Sonxeber.az-a deyib.

"Daha sonra atam rabitə-kəşfiyat bölüyünün komandiri olduğundan döyüşlərdə olduğu müddətdə atayla çox əlaqə saxlaya bilmirdik. Lakin hər dəfə danışdıqda qələbənin yaxın olduğunu bildirirdi. Atam şəhid olduğu gün sanki evdə hamı nəyinsə doğru olmadığını hiss edirdi. Bir neçə saat sonra evin yaxınlığından "şəhidlər ölməz,vətən bölünməz" səsləri eşidilirdi. Biz o zaman başa düşdük ki, atam şəhadətə yüksəlib. Atamın üzərindən çıxan bayrağı mənə verdilər və mənə dedilər ki, bundan sonra o bayrağı sən daşıyacaqsan.
Mən son dəfə atama orada söz verdim ki, nə olursa olsun atamdan mənə keçən bu bayrağı layiqincə daşıyacam və lazım gəldikdə mən də atam kimi vətənin keşiyində duracağam".
AYSEL QULİYEVA

Telegramda izləyin