Deputat Razi Nurullayev 14 yaşında olarkən qaçırılmış qadını ziyarət edib

Milli Məclisin deputatı Razi Nurullayev İmişli şəhərində 14 yaşında olarkən qaçırılmış, hazırda maddi çətinliklə yaşayan və sosial yardım ala bilməyən Nərminə Hüseynovaya baş çəkib.
Sonxeber.az xəbər verir ki, deputat bununla bağlı öz "Youtube" kanalında paylaşım edib.
"Nərminə 8-ci sinifdə oxuyanda onu qaçırıblar. İndi iki uşağı var. Sosial yardım ala bilmir. Dolanmağa heç bir imkanı yoxdur. Aidiyyəti dövlət orqanları, Sosial Müdafiə Nazirliyinin əməkdaşları bura gələndə bu ailənin necə dolandığını görməlidir. Burada bir bahənə axtarmalı deyil, kömək etməlidir. Bu qadının özünün müraciət etməsini gözləməməlidirlər. Onun özünü müdafiə etmək imkanı yoxdur. 14 yaşında qaçırılıb, yoldaşı atıb gedib.
İcra hakimiyyəti kömək edəcək, mən də gücüm çatan qədər kömək edəcəm. Amma məsələ burasındadır ki, nə icra hakimiyyəti, nə də deputat ona ömürlük baxa bilər. Dövlətin belə şəxslər üçün ayırdığı yardım olur. "Bu ev kirayədir, qapısı bağlıdır" kimi bəhanələr ilə qanunda olan boşluqların və ya saxtakar halların qarşısını almaq üçün qoyulan müddəaları bu cür insanlara aid etmək olmaz.
Aidiyyəti orqanlar bilməlidir ki, bu insanın yaşamaq imkanları yoxdur və bu evdə kirayə qalır" ,- deyə millət vəkili qeyd edib.

Şəbnəm Lətifi

Telegramda izləyin