Bayramda müəllimlərə hədiyyə vermək olar? - Deputatlar danışdı

Bu gün ölkəmizdə Beynəlxalq Müəllimlər Günü qeyd olunur. Hər il bu tarix söz-söhbətsiz, mübahisəsiz ötüşmür. Bəzi məktəblərdə şagirdlərdən pul yığılması narazılığa səbəb olur. Bunu faciə kimi qəbul edənlərlə yanaşı, məsələyə soyuqqanlı yanaşanlar da var. Bəzi valideynlər çəkdikləri zəhmətin müqabilində hədiyyə verməkdə hansısa bir problem görmürlər.

Bayram günlərində müəllimlərə pul və yaxud hədiyyə vermək olarmı?

Milli Məclisin deputatı Aqil Abbas məsələyə münasibət bildirib. O, Yenisabah.az-a açıqlamasında valideynlərin müəllimlərə diqqət və qayğı göstərməsinin normal olduğunu deyib:

"Mən müəllimlərə hədiyyə verilməsinin əleyhinə deyiləm. 11 il boyunca balalarımızın qayğısına qalan, elm öyrədən, onların nazı ilə oynayan vicdanlı müəllimlərimizə nə etsək azdır".

Milli Məclisin deputat Kamilə Əliyeva da bu mövzuda danışıb. Millət vəkili saytımız vasitəsilə müəllimləri təbrik etməyi də unutmayıb: "Onlara can sağlığı və uğurlar arzu edirəm. Müəllim müqəddəs bir valıqdır. Ulu öndər Heydər Əliyevdə daima söyləyib: "Mən yer üzündən müəllim adından daha ali ad tanımıram".

Müəllimlik peşəsi dünyada ən ağır peşələrdən biridir. Biz hər birimiz hansı sahədə çalışmağımızdan aslı olmayaraq daima müəllimlərə borcluyuq. Mən müəllimlərə hədiyyə verilməsinin əleyhinə deyiləm. Valideyn başqa niyyəti ağlında tutaraq hədiyyə vermir, sadəcə, müəllimin övladına göstərdiyi qayğıya və verdiyi elmə görə ona öz təşəkkürünü bildirir.

Zənnimcə, müəllimlərə verilən ən dəyərli hədiyyə onların şagirdlərinin uğurlarıdır. Bundan daha qiymətli hədiyyə ola bilməz".

Telegramda izləyin