Müəlliminin şagirdi döydüyü deyilən məktəbdən AÇIQLAMA

Xəbər verdiyimiz kimi, Bakı şəhəri, Sabunçu rayonu, Yavər Əliyev küçəsində yerləşən 310 nömrəli tam orta məktəbdə müəllimin dördüncü sinif şagirdini döyməsi ilə bağlı iddia yayılıb. İddiaya görə, iki nəfər arasında etiraz mübahisəyə çevrilib. Valideyn polisə şikayət edib. Ona görə də müəllim valideyni qrupdan çıxarıb, indi isə uşaqdan dərs soruşmur, uşaqla prinsip aparır.

310 nömrəli tam orta məktəbdən BiG.AZ-ın sorğusuna cavab olaraq bildirilib ki, hadisə ilə bağlı məsələ nəzarətə götürülüb:

"Bakı şəhəri 310 nömrəli tam orta məktəbdə ibtidai sinif müəlliminin şagirdi tənbeh etməsi ilə bağlı məsələ nəzarətə götürülüb. Məktəb rəhbərliyi tərəfindən müəllimdən izahat alınıb və Pedaqoji Şuranın qərarına əsasən müəllimə xəbərdarlıq edilib. Həmçinin, məktəb rəhbərliyi və psixoloqun iştirakı ilə şagird və valideynlə müvafiq söhbət aparılıb. Valideynin müraciəti əsasında hüquq-mühafizə orqanları tərəfindən məsələ ilə bağlı araşdırma aparılıb. Hazırda məsələ həllini tapıb, məktəbdə tədrisin təşkili prosesinə nəzarət daha da gücləndirilib".

Telegramda izləyin