Savadlı Həkim-qastrentoloq, mərhəmətli insan Arzu Yusifova

Həkim savadlı və vicdanlı olmalıdır, savadı ilə irəli getməli və vicdanı ilə çatdığı yerdə peşə borcunu ədalətli və dürüstcəsinə yerinə yetirməlidir. Çünki həkim insanın sahib olduğu ən dəyərli nemətin yəni sağlamlığının qoruyucusudur. Bizim gözəl həkim-qastrentoloqumuz Arzu Yusifova isə həm illərlə aldığı təhsil sayəsində olduqca savadlı, həm də qəlbindəki mərhəməti sayəsində vicdanlı bir insandır. Həkim səhvi ucbatından atasını itirən və onun üzünü görməyən xanımın uşaqlıq arzusu həkim olmaq olmuşdur. Onun ali məqsədi bu peşəyə sahib olmaq və ən yaxşı şəkildə peşəsini icra etmək idi, o elə bir həkim olmalı idi ki, onun səhvi heç kəsin həyatını məhv etməsin. Azərbaycan Tibb Universitetinin müalicə işi-profilaktika fakultəsinə qəbul olaraq məqsədinə doğru addımlamağa başlamışdır. Universiteti bitirdikdən sonra Arzu xanım 5 nömrəli klinik xəstəxanada internatura keçmişdir. 2005-ci ilədək Elmi Tədqiqat Klinik Təbabət İnstitutunda kiçik elmi işçi olaraq fəaliyyət göstərmiş, daha sonra Türkiyəyə gedərək tibb diplomunu orada təsdiqlətmişdir. Həmçinin Arzu həkim Ankara Tibb Universitetində xarici vətəndaş olaraq "yan dal uzmanlığı" oxumuşdur. Bu ərəfələrdə o müxtəlif elmi məqalələr hazırlanmış, onlar saytlarda işıq üzü görmüş və hətta konfranslarda həmin məqalələrin təqdimatlarını etmişdir. Arzu xanım inanır ki ən yaxşısı olmaq üçün daim öyrənməli, yeni biliklər axtarışında olmalısan. Ən böyük filosoflar belə ömürləri boyu şagird statusundan uzaqlaşmamışlar. Gözəl həkimimiz 4 il Hindistanda da olmuş, burada sağlam həyat barədə elm olan "Ayurveda" üzrə təhsil almışdır. Bir müddət Mərkəzi Gömrük Hospitalında, Prezident Aparatının Xüsusi Müalicə Kompleksində və Diaqnostika Mərkəzində çalışan Arzu həkim 2015-ci ildən bu yana fəaliyyətinə Baku Medical Plazada davam etməkdədir. Həkimimiz bütün mədə-bağırsaq patalogiyaları, qaraciyər və mədəaltı vəzin müalicə və müayinəsi ilə məşğuldur. Həmçinin o, endoskopik üsulla əməliyyatlar da icra edir. Xəstələrə qarşı daim mərhəmətli olan Arzu həkim bunu onlara hiss elətdirmir. Çünki o düşünür ki, xəstə və həkim arasında sərhəd qorunmalıdır ki, həkim öz hökmünü itirməsin, ən qədim tibbdə də bu belə olmuşdur. Həkimin işi sadəcə yaranı sağaltmaq deyil onun kökünü tapıb bir dəfəlik problemi aradan qaldırmaqdır. Bunu ən yaxşı metodlarla icra etmək üçün isə Arzu xanım çox möhtəşəm bir xəstəxana proyektinə imza atmışdır. Artıq, demək olar ki, hazır olan bu xəstəxana Azərbaycanda olmayan tam fərqli tərzdə fəaliyyət göstərəcək. Xəstəxanada həm Ayurveda, həm də funksional tibbin imkanlarından istifadə ediləcək. Qədim və müasir tibbin vəhdət təşkil etdiyi bu mərkəzdə kimyəvi dərmanlar olmadan insanlar qidalanmaları və fiziki aktivliyi dəyişdirilərək, bioloji aktiv əlavələrdən istifadə edilərək müalicə olunacaq. Yeri gəldikdə xəstəsinə yox deməyi bacaran Arzu Yusifova onlar üçün ən yaxşı imkanları yaratmağa çalışır. Çünki o, öz işini sevir və peşəsinin məsuliyyətini sonuna qədər daşımaq iqtidarına sahib bir həkimdir.

Telegramda izləyin