"Bu hadisə diplomatlarımıza qarşı terror kimi qiymətləndirilməlidir" - Deputat

İkinci Qarabağ müharibəsindən sonra Azərbaycanın xarici ölkələrdəki diplomatik nümayəndəlikləri bir neçə dəfə radikal qrupların hücumuna məruz qalıb. Sentyabr ayında Azərbaycanın Gürcüstan, Livan və Fransadakı səfirliklərinə hücum olunub. Oktyabrın 10-dan 11-nə keçən gecə Azərbaycanın Vaşinqtondakı səfirliyinin xidməti avtomobilinə atəş açılıb.

Bununla bağlı Sonxeber.az-a danışan deputat Nəsib Məhəməliyev bildirib ki, oktyabr ayının 10-dan 11-ə keçən gecə baş verən hadisə diplomatlarımıza qarşı törədilmiş terror kimi qiymətləndirilməlidir:

"Əfsuslar olsun ki, bu, birinci hadisə deyil. Son zamanlar, London, Paris, Beyrutdakı səfirliklərimizə də davamlı hücumlar edilib. Müəyyən dağıntılar olsa da, xoşbəxtlikdən, soydaşlarımız xəsarət almayıblar.

Hesab edirəm ki, bu hadisələr bir mərkəzdən idarə olunur və 44 günlük müharibədə ağır zərbə almış erməni faşizminin dəsti-xətti burada görünür. Çünki erməni faşizminin tarixi 100 ildən artıqdır. Bu millətin nümayəndələri Azərbaycan və Türkiyənin dövlət xadimlərinə, diplomatlarına qarşı çoxsaylı qətllər törədib, bir çox ölkələrdə terror aktları həyata keçiriblər. Bəzi hallarda cəzasızlıq mühiti də erməni terrorçularını ruhlandırır.

Ümid edirəm ki, ABŞ, Vyana konvensiyasına uyğun olaraq, Vaşinqton səfirliyimizin təhlükəsizliyini etibarlı şəkildə təmin edəcək, gələcəkdə bir daha belə bir insidentin təkrarlanmaması üçün, baş vermiş cinayətin təfərrüatları, iştirakçıları, təşkilatçıları obyektiv şəkildə araşdırılacaq və hüquqi qiymətini alacaqlar".

Aysel Yusifqızı

Telegramda izləyin