Praqa görüşündən sonra atəşkəsin pozulması nəyə işarədir?

Bu gün Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Əlibayramlı yaşayış məntəqəsi istiqamətində yerləşən mövqelərini müxtəlif çaplı atıcı silahlardan istifadə etməklə fasilələrlə atəşə tutub.

Bununla bağlı Sonxeber.az-a danışan politoloq Qabil Hüseynli bildirib ki, Qarabağ klanı, Daşnaksutyun partiyası, ölkənin revanşist qüvvələri Praqda əldə edilmiş razılaşmaları pozmaq istəyirlər:

"Atəşkəsin pozulması Ermənistanda hakimiyyətin zəifliyinə, ölkə miqyasında proseslərə nəzarət edə biıməməsinə, müxalifət və Qarabağ klanının ölkədə at oynatmasına və sülh yaratma prosesini pozmağa çalışmasına işarədir. Belə güman etmək olar ki, Qarabağ klanı, Daşnaksutyun partiyası, ölkənin revanşist qüvvələri həm sülh prosesini, həm də Praqda əldə edilmiş razılaşmaları pozmaq istəyirlər".

Şəbnəm Lətifi

Telegramda izləyin