Zelenski prezidentlikdən gedəcəyini elan etdi: "Hakimiyyətdə qalmaq İSTƏMİRƏM"

"Çin lideri Si Cinpin kimi üçüncü müddətə hakimiyyətdə qalmaq istəmirəm".

Bunu Ukrayna Prezidenti Vladimir Zelenski deyib.

Zelenskidən Cinpinin üçüncü müddətə seçilməsinə münasibəti və özünün də bu haqda düşünüb-düşünmədiyi soruşulub.

"Üçüncü müddət haqda nə düşünürəm? Düzünü desəm, bunu edə bilməyəcəm. Bu, çox uzun müddətdir", - Ukrayna prezidenti cavab verib.

Eyni zamanda o, Çinin Ukrayna xalqına dəstək verməsi arzusunu bildirib:

"Xalqlarımız arasında münasibətlərin, dərin iqtisadi əlaqələrimizin tarixi var. Açığını deyim: müharibədən əvvəl ən böyük ticarət dövriyyəsi Çinlə olub. Bu münasibətlərin qorunub saxlanmasının tərəfdarıyam, xüsusən indi - bizim üçün çətin olan dövrdə.

Müharibəyə gəlincə, istərdim ki, Çinin Ukraynaya dəstəklə bağlı mövqeyi daha açıq olsun. Belə bir dövlətin Rusiyanı və onun təcavüzkar rejimini dəstəkləməsini və müdafiə etməsini istəməzdim"./Milli

Telegramda izləyin