"Rusiya Moldova hökumətini devirmək istəyir" - "Washington Post"dan ilginc iddia...

"FTX bu məqsədlə on milyonlarla dollar xərcləyib..."

"Hökumətin devrilməsində israilli milyardçı İlan Şora stavka edilir..."

"Şorun partiyası "insanların həyatını yaxşılığa doğru dəyişən konkret fəaliyyət partiyası" kimi təqdim edilir..."

"2021-ci ildə seçkilər ərəfəsində Moskva Sandunun nüfuzunu sarsıtmağı və Moldovanı öz təsirinə qaytarmağı planlaşdırıb..."

Moskva Moldovada hakimiyyəti dəyişməyə cəhd edir, bu zaman israilli milyardçı İlan Şora stavka edir.

Bu barədə kəşfiyyat sənədlərinə və məlumatlı şəxslərlə müsahibələrə istinadən "Washington Post" qəzeti yazıb.

Materialda iddia edilir ki, FTX bu məqsədlə Rusiya dövlət şirkətlərinin büdcəsindən on milyonlarla dollar xərcləyib.

Bundan başqa, Rusiya hələ 2021-ci ilin mart ayında Şorun partiyasının məsləhətləşmələri üçün polittexnoloqlar komandası göndərib.

Bu mütəxəssislər o cümlədən Şorun siyasi gücünü "insanların həyatını yaxşılığa doğru dəyişən konkret fəaliyyət partiyası" kimi təqdim etməyi və internetdən siyasət barədə neqativ materialları jurnalistləri ələ almaq və ya məhkəmə yolu ilə çıxarmağı məsləhət görüb.

Həmçinin sənədlərə əsasən, FTX belə bir sövdələşməyə kuratorluq edib: hansısa rusiyalı oliqarx Şorun əsas aktivlərindən birini Moldova hakimiyyətindən gizlətmək üçün əldə edib.

Sentyabrın ortalarından "Şor" partiyasının tərəfdarları Kişinyovun mərkəzində müddətsiz etiraz aksiyaları keçirir.

Onlar Maya Sandunun istefasını və növbədənkənar parlament seçkilərinin keçirilməsini tələb edir.

Oktyabrın 20-də partiya üzvləri və fəalları arasında axtarış keçirilib.

Moldovanın korrupsiya əleyhinə prokuroru Veronika Draqalin bəyan edib ki, onun idarəsi tərəfindən bütün ölkə boyunca pullar əldə edib etirazçılara paylayan cinayətkar qrup aşkar edilib.

Oktyabrın 29-da ABŞ-ın maliyyə naziriliyi "Maqnitskinin qlobal qanunu"na uyğun olaraq Şor, onun partiyası və həyat yoldaşı, rusiyalı müğənni Jasminə (Sara Şor) qarşı sanksiyalar tətbiq edib, həmçinin moldovalı oliqarx Vladimir Plaxotnyuk və oğlu, Rusiyanın sabiq baş prokuroru İqor Çayka "qara siyahı"ya salınıb.

Amerika idarəsində müəyyən edilib ki, 2021-ci ildə Moldovada seçkilər ərəfəsində Rusiya Sandunun nüfüzunu sarsıtmağı və keçmiş sovet respublikasını Rusiyanın təsirinə qaytarmağı planlaşdırıb.

Bundan öncə Şor Rusiyadan olan adamlarla işləyib. ABŞ-ın məlumatına görə, Çayka pullar üçün "giriş qıfı" kimi istifadə edilib, bu pullar məmurları ələ almağa və seçkilərdə dələduzluq etməyə yönəlib.

Plaxotnyuk və Şor Moldovanı tərk etməyə məcbur olub, çünki hər ikisinin adları Moldovanın üç bankından milyard dollar oğurluqla bağlı cinayət işində keçir.

Şor hazırda İsraildə yaşayır, "Washington Post" dəqiqləşdirib./Moderator

Telegramda izləyin