Sobanı təmizləmək istədi - Yanağı deşildi - FOTO +18

Sobanı təmizləmək istəyərkən İrlandiyanın Meyo qraflığından olan 45 yaşlı Mora Prenderqastın başına iş gəlib.

BiG.AZ xəbər verir ki, bu barədə "The Mirror" yazır.

Belə ki, qadın təmizləyici vasitəni sobanın dəmirlərinə çəkərək bir gecə saxlayıb. Səhəri gün təmizliyi davam etdirmək istədikdə vasitənin qapağını açarkən onun bir damçısı qadının yanağına sıçrayıb, lakin Mora buna fikir verməyib.

Yanağı qaşınmağa başlayanda qadın üzünü silib və ağır yanıq xəsarəti aldığından xəbərsiz halda işini davam etdirib.

Daha sonra qızı ona "İlahi, bütün üzün qaralıb!" dedikdə Prenderqast üzünü bir neçə dəfə yuyub və dərhal təcili tibbi yardıma müraciət edib.

Həkimlər onu plastik cərrahiyyə şöbəsinə göndəriblər və yanığın daha çox yayılmaması üçün dərinin bir hissəsini əməliyyat vasitəsilə götürüblər. Nəticədə Prenderqastın yanağında dəlik əmələ gəlib.

Növbəti üç il yarım ərzində qadın 10 plastik əməliyyat keçirib. Onlardan əksəriyyəti uğursuz olub. Prosedurlardan birindən sonra Moranın üzünə 2 ay yarımlıq müddətə vakuum paketi qoyulub. Həmin dövrdə qadın insanların nəzərindən qaçmaq üçün evdən bayıra çıxmayıb.

Çoxsaylı ağrılı əməliyyatlardan sonra Prenderqast nəhayət sağalıb. Çapıqdan diqqəti yayındırmaq üçün o, üzünə döymə vurdurub.

"Nəhayət özümü xoşbəxtəm hiss edirəm. Ömür boyu tanıdığın bir insanla nişanlıyam, 6 gözəl övlada sahibəm, anam və atam salamatdırlar, möhtəşəm bir oteldə çalışıram və çox yaxşı dostlarım var", - deyə qadın etiraf edib.

Telegramda izləyin