13 yaşlı qız evdə saçlarını boyamaq istədi - Gözü kor oldu - FOTO

ABŞ-ın Rinkon şəhərinin 13 yaşlı sakini Oliviya Stegin saçlarını ev şəraitində boyamaq istəyərkən bir gözünü itirib.

BiG.AZ xəbər verir ki, bu barədə "Daily Mail" yazır.

Belə ki, rəfiqəsi ilə bütün ləvazimatları hazırladıqdan sonra Oliviya boyanı açmaq istəyərkən maye gözünə sıçrayıb.

40 yaşlı anası Pamela Stegin-Şeppard qızının qışqırıq səsinə gəldikdə onun sol gözünü tutaraq ağrıdan qıvrıldığını görüb.

Qadın qızını xəstəxanaya aparıb. Burada gözünu yaxşıca yuduqdan sonra 72 saat ərzində düzələcəyini bildirərək Oliviyanı evə buraxblar.

Lakin gözün buynuz qişasının üst hissəsi yanıq xəsarəti aldığından vəziyyət getdikcə pisləşib.

Qız yenidən müalicə almalı olub, amma göz qişasını tam bərpa etmək mümkün olmadığı üçün hazırda Oliviya keratoplastika əməliyyatına hazırlaşır. O, həkimlərin ciddi nəzarəti altındadır.

Telegramda izləyin