Karantinə alınan fabrik işçiləri qaçdı

Hələ də sərt koronavirus tədbirləri tətbiq edilən Çində karantinə alınan fabrikin işçiləri qaçıblar. Polis işçilər tutub yenidən karantinə salıb. Pandemiya ilə mübarizə üçün Uhan şəhərinə hərbi maşınlar göndərilib.

300 min insanın çalışdığı fabrikdə aşkarlanan hallar işçilər arasında çaxnaşma yaradıb.

Sonxeber.az xəbər verir ki, görüntülərdə karantində olan işçilərin tikanlı məftillərdən tullanaraq ərazini tərk etdikləri müəyyən edilib.

İctimai nəqliyyatın olmaması işçiləri kilometrlərlə piyada getməyə məcbur edib. Bəzi işçilər meşəlik ərazidə qurduqları çadırlara sığınıblar.

Çin ölkə daxilində sıfır koronavirus siyasət tədbirlərini həyata keçirməyə davam edir.

Həftə sonu Vuhan şəhərinin bəzi rayonlarında karantin tətbiq edildikdən sonra bölgəyə hərbi maşınlar göndərilib.

Şanxayda hətta Disneyland daxilindəki ziyarətçilər karantinə alınıb.

Şəbnəm Lətifi

Telegramda izləyin