Putin Liz Trasın telefonunun hack etdirib

Böyük Britaniyanın keçmiş baş naziri Liz Trasın xarici işlər naziri olduğu müddətdə telefonunun rus agentləri tərəfindən hack olunduğu iddia edilib.

Sonxeber.az xəbər verir ki, British Mail on Sunday qəzeti anonim mənbələrə istinadən Trasın telefonunu sındıran agentlərin Rusiya prezidenti Vladimir Putinə işləməkdə şübhəli olduğunu bildirib.

Hesabatda iddia edilir ki, rus casusları Trasın keçmiş maliyyə naziri Kvasi Kvartenq ilə görüşləri, eləcə də Ukrayna müharibəsi ilə bağlı xarici rəsmilərlə söhbətləri ilə bağlı həssas məlumatlara çıxış əldə edib.

Qəzetin iddiasına görə, sındırma yayda Trasın Mühafizəkarlar Partiyasının liderliyinə seçki kampaniyası zamanı aşkar edilib, lakin təfərrüatları o vaxtkı baş nazir Boris Conson və Nazirlər Kabineti və ictimai kadrlar üzrə dövlət katibi Simon Case gizlədib.

Liberal Demokratların Xarici Əlaqələr üzrə sözçüsü, millət vəkili Layla Moran da iddia edilən haker hücumunun niyə əvvəllər ictimaiyyətə açıqlanmaması ilə bağlı narahatlığını ifadə edib.

"Həqiqəti üzə çıxarmaq üçün təcili olaraq müstəqil araşdırmaya ehtiyacımız var. Liz Trasın liderlik yarışında namizədliyini qorumaq üçün bu məlumatın ictimaiyyətdən gizlədildiyi ortaya çıxsa, bu üzrlü deyil" - deyə deputat Moran deyib.

Xatırladaq ki, Liz Tras sentyabrın 6-dan oktyabrın 20-dək hökumətə başçılıq edib. Onun yerinə oktyabrın 24-də Rişi Sunak seçilib. Bu gün onun kral Çarlzla görüşü planlaşdırılıb.

Şəbnəm Lətifi

Telegramda izləyin