"İçinə cin girib" deyərək 5 yaşlı oğlunu öldürdü - Meyitini çamadana qoyub küçəyə atdı - FOTO

ABŞ-ın İndiana ştatında 37 yaşlı Decuan Ludi Anderson 5 yaşlı oğlu Kair Ammar Cordanı öldürüb, meyitini isə çamadana qoyaraq küçəyə atıb.

BiG.AZ xəbər verir ki, bu barədə "The Daily Beast" yazır.

Qadın oğlunun içinə cin girdiyini düşündüyü üçün cinayəti törədib.

Hadisə bu ilin aprel ayında baş verib. İstintaq zamanı uşağın atıldığı zibil torbasının və çamadanın üzərində anasının və onun 40 yaşlı bacısı Doun Koulmanın əl izləri tapılıb.

Qətldən bir neçə ay öncə qadınlar sosial şəbəkələrdə qəribə paylaşımlar edərək, uşağın güclü "qara qüvvələr" tərəfindən idarə olunduğunu iddia ediblər. Anderson, həmçinin, "cin çıxarma" niyyəti ilə keşişə də müraciət edib.

"Qanımızın köməyi ilə (içindəki cinin) gücünü zəiflədə bildim. Onun əsl adını öyrənmişəm. 100 yaşı var. Köməyiniz lazımdır", - deyə ana sosial şəbəkə istifadəçilərinə müraciət edib.

Daha sonra Koulman San-Fransiskoda aşkarlanaraq həbs olunub, Anderson isə hələ də axtarışdadır.

Telegramda izləyin