8 yaşlı oğlan ona hücum edən kobranı dişləyək öldürdü

Hindistanda səkkiz yaşlı uşaq ona hücum edən kobranı dişləyərək öldürüb.

BiG.AZ xəbər verir ki, bu barədə "The Siasat Daily" məlumat yayıb.

Hadisə Çxattisqarx ştatının Caşpur rayonunda baş verib. Jurnalistlərlə söhbətində oğlan evin həyətində zəhərli ilanın ona hücum etdiyini deyib.

Uşaq onu əlləri arasına almağa çalışsa da, qoluna dolanan kobranı yerə atmaq mümkün olmayıb. Daha sonra oğlan ilanı iki dəfə dişləyərək öldürüb.

Hadisədən sonra uşaq xəstəxanaya yerləşdirilib, ona antidot verilib. Lakin məlum olub ki, ilan öz zəhərini buraxmayıb və bundan sonra oğlan evə buraxılıb.

Telegramda izləyin