"Məclisdə onu qıcıqlandırıblar" - Rəşadın bibisi qızı

Xəbər verdiyimiz kimi, meyxanaçı Rəşad Dağlı İskəndər Mehtiyevi bıçaqla çoxsaylı xəsarətlər yetirərək qətlə yetirib.

Axşam.az xəbər verir ki, məsələ ilə bağlı meyxanaçının bibisi qızı, jurnalist Könül Aypara "Təsir dairəsi" verilişinə telefonla qoşularaq açıqlama verib.

"Onun bibisi qızı olsam da, qohumu kimi çıxış etməyəcəyəm, kənardan bir şəxs kimi danışacağam. Rəşad elə bir insandır ki, qarışqanı belə tapdalamayacaq xasiyyətə malikdir. O, çox ziyalı bir ailənin nümayəndəsidir. Özü isə çox təfəkkürlü bir insandır. Qeyrətli, əsl vətənpərvər oğuldur. Bu elə bir hadisədir ki, heç kimin ağlına gəlməyəcək işdir. Səhərimizi çox pis qarşıladıq. Hazırda pis vəziyyətdəyəm. Ailəsinin yanından gəlidim.

Onun övladı Yusifin telefona bax-baxa, göz yaşların içində internetdə hadisəni axtarır... Bu, çox pis bir şeydir. Onun övladı 5 dil bilir, xarici təhsil alır, çox ağıllıdır. Onu bu dəqiqə sakitləşdirib gəlmişəm. Anası, yoldaşı da yaxşı deyil. Belə vəziyyətdə kim yaxşı ola blər ki?"

Rəşadın bibisi qızı mübahisələrə səbəb olan meyxanadakı "Polis bu işin sonuna çıxar" sözlərinə belə münasibət bildirib:

"İnsanı o vəziyətə, affekt halına salmaq iki vur ikidir. Kişiyə qarşı söyüş işlətmək, əxlaqsız, ədəbsiz fikirlər söyləmək, tənqid, təhqir etmək, mənə elə gəlir ki, bunu heç bir Azərbaycan kişisi qəbul etməz. Elə bir vəziyyər olub ki, o, özünü müdafiə etmək istəyib, affekt halına düşüb və belə bir hadisəni törədib. Çünki Rəşadın ailəsində, nəslində, kökündə qətllə bağlı, ümumiyyətlə həbslə bağlı heç kim yoxdur. Qınamıram, olanda olur, amma belə bir şey baş verməyib ki, o da bunun davamçısı olsun. Bizim nəsil-nəcabətdə ilk belə hadisədir. Özünü itirib, affekt vəziyyərinə düşüb və özünü müdafiə etmək üçün belə bir iş görüb. Bəlkə indi də peşmandır ki, "Nahaq etdim". Amma artıq, iş olub, keçib".

O, məsələnin narkotiklə bağlı olub-olmamasını polisin araşdırdığını bildirib:

"Hazırda bu işlə bağlı istindaq gedir, vəkillər özləri məşğuldur bu işlə. Yəqin ki, araşdırılıb, deyilər".

Hadisənin ardından qətlin maşında törədilməsi ilə bağlı iddialara isə Könül bu sözlərlə cavab verib.

"Bunu yəqin ki, polis daha yaxşı bilər. Biz ətraflı bir şey bilmirik. Orada olub, ya kənarda. Biz hadisədən kənardayıq".

O, Rəşadın təslim olmazdan əvvəl ailəsi ilə görüşüb, nəsə deməsi ilə bağlı sualı da cavablandırıb:

"Yox, ailənin bundan heç xəbəri olmayıb. Səhərə yaxın xəbər tutublar. Haradasa məclisdə olub, orada onu qıcıqlandırıblar. Ona zəng vurublar, xoşagəlməz sözlər deyiblər və o da soruşub "Haradasınız?", gedib görüşə. Belə...".

Telegramda izləyin