Kennedi sui-qəsdindən sağ çıxan adam vəfat etdi

ABŞ-ın keçmiş prezidenti Con Kennedinin qardaşı Robert Kennedinin qətli zamanı güllələnən həmkarlar ittifaqının lideri Pol Şreyd dünən vəfat edib.
Sonxeber.az xəbər verir ki, Şreyd 1968-ci ilin iyununda Los-Ancelesdə baş vermiş sui-qəsddən sağ çıxan beş nəfərdən biri kimi tanınır.

Robert Kennedi 1963-cü ildə qətlə yetirilən ABŞ prezidenti Con Kennedinin qardaşı və senatoru idi.

Robert Kennedi sui-qəsdindən sağ çıxan həmkarlar ittifaqı lideri Paul Şreyd, Kennedinin sui-qəsd zamanı hədəf alındığını və başından güllələndiyini bildirib.

Qətl törətdiyinə görə həbs edilən Sirhan ifadələrində içkili olduğunu və sui-qəsdi xatırlamadığını bildirib.
Şreyd ikinci qatildən şübhələnirdi və Sirhanın günahsız olduğuna inanırdı. Qohumları Şreydin sui-qəsdi araşdırmağa davam etdiyini və bunun onu sağ saxladığını bildirib.

1969-cu ildən bəri məhkəmə proseslərinə qatılmayan Şreyd, Sirhanın şərti azadlığa buraxılması ilə bağlı beş ildən bir keçirilən məhkəmə iclasında ilk dəfə 2016-cı ildə iştirak edib. Şreyd Sirhana onu bağışladığını deyib.

Şreyd 2021-ci ildə azadlığa buraxılması ilə bağlı dinləmələr zamanı Sirhanın Robert Kennedinin qatili olmadığını iddia etdi. Məhkəmə Sirhanın azadlığa buraxılmasına qərar versə də, Kaliforniya qubernatoru onun həbsini davam etdirməyə qərar verib.

Şəbnəm Lətifi

Telegramda izləyin