ABŞ-da qasırğa fəlakəti - Ölənlər var

ABŞ-ın Florida ştatına çatan "Nikol" qasırğası səbəbindən güclü yağış və daşqınların baş verib.

Sonxeber.az xəbər verir ki, Orange County Şerif Ofisinin sosial media hesablarında edilən açıqlamada 2 nəfərin elektrik cərəyanı vuraraq öldüyü bildirilib. Məlumatda qırılan elektrik naqilinin yanındakı kişi və qadının üzərinə düşdüyü, xəstəxanaya çatdırılan 2 nəfəri xilas etmək mümkün olmadığı bildirilib.

Florida qubernatoru Ron DeSantis də qasırğa ilə əlaqədar fövqəladə vəziyyət zonasını genişləndirərək ştatın bütün 67 əyalətində fövqəladə vəziyyət elan edib.

Daha əvvəl yalnız 34 əyalətdə fövqəladə vəziyyət elan etmiş DeSantis, Floridanın şimal-qərbində qasırğanın təsirlərinin dərəcəsindən əmin olmadığı üçün bütün ştatda eyni əhatə dairəsinə sahib olduqlarını açıqladı.

Floridaya çatan "Nikol" qasırğası intensivliyini azaltsa da, dəniz suyunun qalxması və dalğaların güclənməsi səbəbindən sahil zolağında bəzi evlər dağılıb.

Digər tərəfdən, Milli Qasırğa Mərkəzi, əyalətin şimal-şərqinə doğru hərəkət edən şiddətli fırtınanın yaxın bir-iki gün ərzində Corciyadan başlayaraq Nyu-Yorka qədər uzanan geniş bir əraziyə təsir edəcəyi məlumatını paylaşıb.

Şəbnəm Lətifi

Telegramda izləyin