Gecə klubuna silahlı hücum - Ölən və yaralananlar var

Meksikanın Quanaxuato ştatında gecə klubunda baş verən atışma nəticəsində 9 nəfər ölüb.
Sonxeber.az xəbər verir ki, Meksika mətbuatının məlumatına görə, bir qrup silahlı şəxs Apaseo El Alto əyalətində gecə klubuna basqın edib.

Yerli hakimiyyət orqanları hücum nəticəsində 9 nəfərin öldüyünü, çoxlu sayda insanın yaralandığını bildirib.

Şübhəlilər hadisə yerindən qaçıblar. Polis ərazidə genişmiqyaslı əməliyyata başlayıb.

Digər tərəfdən Empalme Eskobedo qəsəbəsində dəstələr arasında baş verən silahlı qarşıdurmada 12-dən çox avtomobilin və bir neçə iş yerinin yandırıldığı bildirilib.

Beləliklə, Quanaxuato ştatında ilin əvvəlindən bu yana ölənlərin sayı 2424 nəfərə yüksəlib.

Şəbnəm Lətifi

Telegramda izləyin