Avstraliyada sel nəticəsində evlər su altında qalıb

Avstraliyanın Yeni Cənubi Uels əyalətində güclü yağışın səbəb olduğu daşqınlar nəticəsində Forbes, Euqovra və Molonq şəhərləri su altında qalıb.
Forbes, Eugowra və Molonq qəsəbəsindəki evləri su basıb.Bəzi evləri sel suları aparıb, bəziləri isə dağılıb.
Sonxeber.az xarici mətbuata istinadən xəbər verir ki, evlərində qapalı qalan yüzlərlə insan vertolyotlarla xilas edilib.
Wyanqala bəndinin daşmasına səbəb olan güclü yağış səbəbindən bəzi yollara da böyük ziyan dəyib.
NSW Dövlət Fövqəladə Hallar Xidmətinin (SES) direktoru Carlene York, çaylardakı suyun səviyyəsinin yağışla birlikdə gözləniləndən daha çox yüksəlməsi səbəbindən əyalət tarixindəki ən böyük daşqına qarşı mübarizəyə rəhbərlik etdiklərini söyləyib.

Şəbnəm Lətifi

Telegramda izləyin