Oman körfəzində neft tankeri pilotsuz təyyarə ilə vurulub

Oman körfəzində bir neft tankerinin dron bombası ilə vurulduğu bildirilir.

Sonxeber.az xarici mətbuata istinadən xəbər verir ki, Liberiya bayrağı altında üzən "Pacific Zircon" neft tankeri ötən gecə Oman sahillərində bomba yüklü pilotsuz təyyarə ilə vurulub.

Bölgədəki gəmiçiliyə nəzarət edən Britaniya hərbi təşkilatı "UK Merchant Marine Operations" AP-yə "hadisədən xəbərdar olduqlarını və hazırda araşdırıldığını" bildirib.

Gəminin Sinqapurda yerləşən "Eastern Pacific Shipping" şirkəti tərəfindən idarə edildiyi və israilli milyarder İdan Oferə məxsus olduğu bildirilir.

Yaxın Şərqdə İsrail və İran arasında gərginlik artsa da, daha əvvəl bölgədə İsrailə bağlı gəmilərə pilotsuz təyyarələrlə hücumlar təşkil edilmişdi.

İsrail Ordusu Radiosunun xəbərinə görə, İsrail hərbi rəsmiləri hücumun arxasında İranın olduğunu və hadisənin İranın Qətərdə keçirilən dünya çempionatına müdaxilə cəhdi olduğunu iddia edib.

Həmçinin qeyd olunub ki, israilli milyarder İdan Ofer Sinqapurda yerləşən şirkətdə işləyən gəminin birbaşa sahibi deyil, səhmdarıdır.

İran hələ də İsrailin ittihamı ilə bağlı açıqlama verməyib.

İsrail bundan əvvəl də İrana qarşı oxşar ittihamlar səsləndirib, lakin Tehran administrasiyası bu ittihamları rəsmən etiraf etməyib.

Şəbnəm Lətifi

Telegramda izləyin