Putin və Ərdoğan taxıl dəhlizini müzakirə edə bilərlər

Türkiyə prezidenti Rəcəb Tayyib Ərdoğan və Rusiya prezidenti Vladimir Putin taxıl dəhlizi ilə bağlı qısa müddətdə danışıqlar apara bilərlər.
Sonxeber.az xəbər verir ki, bu barədə Kremlin sözçüsü Dmitri Peskov məlumat yayıb.

Kremlin sözçüsü Dmitri Peskov paytaxt Moskvada jurnalistlərə bildirib ki, noyabrın 19-da başa çatacaq taxıl sazişinin uzadılması ilə bağlı danışıqlar davam edir.

"Bildiyiniz kimi, söhbət əsasən Rusiya məhsullarının ixracına qoyulan məhdudiyyətlərin aradan qaldırılmasından gedir. Birləşmiş Millətlər Təşkilatı ilə konstruktiv əlaqələr var.Taxıl müqaviləsinin uzadılması ilə bağlı müsbət irəliləyişlər var, lakin əvvəlki razılaşmaların tam şəkildə həyata keçirilməsini təmin etmək lazımdır.",- deyə Peskov əlavə edib.

Kremlin sözçüsü Dmitri Peskov prezident Tayyib Ərdoğan və Rusiya prezidenti Vladimir Putinin lazım gələrsə, qısa müddət ərzində görüşə biləcəyini deyib.

Şəbnəm Lətifi

Telegramda izləyin