11 yaşlı Yusif Stiven Hokinqi geridə qoydu

İngiltərənin Lids şəhərində yaşayan 11 yaşlı Yusif Şah Mensa zəka testində məşhur fizik Stiven Hokinqi keçərək ən yüksək bal toplayıb.

Yusif 162 xalla 2018-ci ildə vəfat edən və bu sınaqdan 160 bal toplayan məşhur britaniyalı fizik Stiven Hokinqi geridə qoyub.

Sonxeber.az xəbər verir ki, İngiltərənin "Daily Mirror" qəzeti Yusifin bütün zamanların ən böyük dahilərindən sayılan və rəsmi olaraq bu imtahandan keçməyən alman alimi Albert Eynşteyni keçə biləcəyini yazıb.
Uğurunu ailəsi ilə şam yeməyində qeyd edən Yusif məktəb yoldaşlarının təşviqi ilə imtahan verdiyini ifadə edərək, "Atestatımı aldığıma görə çox xoşbəxtəm. Məktəbdə hər kəs mənim çox ağıllı olduğumu düşünür. Ona görə də bu imtahanı verənlərin ilk 2 faizində olub-olmadığımı görmək istədim.

O, Kembric və ya Oksford Universitetində riyaziyyat oxumaq istədiyini bildirib.
Bütün ailənin oğlu ilə fəxr etdiyini deyən Yusifin anası Səna Şah, "Yusif ailədə Mensa testi verən ilk şəxsdir. Fikirləşdim ki, imtahan mərkəzində böyüklərdən qorxar, amma bacardı. İmtahandan sonra oğluma "Atan hələ də ağıllıdır" deyə xəbərdarlıq etdim".

Yusifin atası İrfan Şah imtahana hazırlıq prosesinin bir az çətin olduğunu, ancaq xüsusi bir şey etmədiklərini bildirib.

Ailə bildirir ki, Yusifin səkkiz yaşlı qardaşı da bir az böyüyəndə Mensa testindən keçəcək.

Şəbnəm Lətifi

Telegramda izləyin