Qazaxıstanda seçkiqabağı çevriliş cəhdinin qarşısı alınıb

Noyabrın 20-də keçiriləcək növbədənkənar prezident seçkilərinə bir neçə gün qalmış Qazaxıstanda dövlət çevrilişinə cəhdin qarşısı alındığı bildirilib.
Sonxeber.az xəbər verir ki, Qazaxıstan Milli Təhlükəsizlik Komitəsinin verdiyi açıqlamada dövlət çevrilişinin planlaşdırılması və təşkili ilə məşğul olan təşkilatın fəaliyyətinin qarşısı alındığı, Almatı vilayətində keçirilən əməliyyat nəticəsində 7 nəfərin saxlanıldığı bildirilib. Açıqlamada əməliyyat zamanı basqın edilən ünvanlarda silah, molotof kokteyli, benzin qutuları və digər partlayıcı maddələrin ələ keçirildiyi qeyd edilib.

Bəyanatda bildirilib ki, bəzi radikal qruplaşmalar ötən ilin yanvarında baş vermiş xalq üsyanından sonra ölkədə sabitliyi pozmaq və şəhərləri ələ keçirmək planlarını davam etdiriblər. Bəyanatda bu radikal qrupların dissident Muxtar Ablyazovun fikirlərini bölüşən və fəaliyyəti məhkəmə tərəfindən qadağan edilən Qazaxıstanın Demokratik Seçkiləri təşkilatının üzvləri olduğu bildirilib.

Şəbnəm Lətifi

Telegramda izləyin