Nazir Abel Məhərrəmovun qardaşına vəzifə verdi

Xəbər verdiyimiz kimi, Ədliyyə Nazirliyinin aparatının bir sıra idarələri ləğv edilib, yerlərində yeni idarələr yaradılıb. Bununla bağlı Prezident İlham Əliyev dünən sərəncam imzalayıb.

Sonxeber.az "qaynarinfo"ya istinadən xəbər verir ki, ədliyyə naziri Fikrət Məmmədov ləğv edilən qurumların rəislərini yeni yaradılan idarələrə rəis təyin edib.

Ləğv olunan Kadrlar Baş İdarəsinin yerində yaradılan İnsan resursları Baş İdarəsinə ədliyyə generalı Rauf Məmmədəli oğlu Məhərrəmov, onun müavini vəzifəsinə isə Rəsul Fərman oğlu Mahmudov təyin olunub.

General Rauf Məhərrəmov BDU-nin sabiq rektoru Abel Məhərrəmovun qardaşıdır.

Bu digər ləğv edilən qurumların yerində yaradılan idarələrə də şamil edilib. Belə ki, Strateji planlaşdırma və monitorinq Baş İdarəsinə Elçin Lütvəli oğlu Qasımov, Ədliyyə sahəsində xidmətlər Baş İdarəsinə İlqar Kamil oğlu Məmmədov, İnsan hüquqları və kommunikasiya İdarəsinə Aynur Zakir qızı Sabitova, İnformasiya texnologiyaları və innovasiyalar İdarəsi Ağakərim Ağasəməd oğlu Səmədzadə rəis təyin edilib.

Telegramda izləyin