"Başa bəla mollalar dərk etmirlər ki, məhz İslam dəyərlərinə görə ən böyük günahlara sahib olurlar" - Deputat

"İran İslam Şurasının Xarici Siyasət və Təhlükəsizlik Komissiyasının katibi Yaqub Rzazadənin Azərbaycan dövlətinin, onun Prezidentinin əleyhinə parlamentdə səsləndirdiyi fikirlər, molla rejiminin riyakarlığının göstəricisidir".

Bunu Sonxeber.az-a danışan deputat Nəsib Məhəməliyev deyib.

Deputat qeyd edib ki, həmin mollanın isterik çıxışı bir daha göstərir ki, İran hakimiyyət orqanları, uzun illər apardıqları yanlış siyasətin girovuna çevriliblər:

"Beynəlxalq təcrid və sanksiyaların nəticəsi olaraq, tükənməz təbii sərvətlərə malik ölkənin əhalisi zəlil vəziyyətə düşüb. Bütün vilayətlər, şəhərlər od tutub yanır. Dinc etiraz mitinqlərinə qoşulanlar gülləbaran edilir. Uşaqlar, qadınlar qətlə yetirilir. 21-ci əsrdə insanlar fərqli düşüncələrinə görə küçədə qaldırıcı kranlardan asılaraq edam edilir. Daxili problemlərdən ictimai rəyi yayındırmaq məqsədilə mollalar günahların səbəbini xarici düşmənlərdə axtarırlar. Bu dəfə də ənənələrinə sadiq qalaraq, iddia edirlər kər ki, "Amrika", "Siyonizm" və guya onlara əlaltılıq edən düşmənlər İrana paxıllıq edir, onun inkişafına maneçilik törədirlər".

Deputat vurğulayıb ki, Azərbaycan xalqı "şeyx Nəsrullah"ların belə cəfəng nağıllarını çox eşidib:

"Artıq keçmir. Bütün bu anti-insani cinayətlər törədənlər hansı haqla qonşu dövlətin ünvanına böhtanlar yağdırır?! Heç bir zərurət olmadığı halda, xalqlar arasında düşmənçilik toxumları səpirlər! Gecəli-gündüzlü İslam dini altında alver edən başa bəla mollalar dərk etmirlər ki, məhz İslam dəyərlərinə görə ən böyük günahlara sahib olurlar.

Azərbaycanda gözəl bir el məsəli var: "Bar verən ağaca daş atanların sayı çox olar". Nə qədər ki, zəif idik, torpaqlarımız işğalda idi, Azərbaycanın bütün düşmənləri susurdu. O cümlədən də mollalar müharibədən sonra əsl simalarını göstərdilər. Tarixi qələbəmiz, Azərbaycan Prezidentinin dünya miqyasında artan nüfuzu onlara rahatlıq vermir. Necə deyərlər, it hürər, karvan keçər".

Aysel Yusifqızı

Telegramda izləyin

instagramda izləyin