Azərbaycan və Türkiyə birgə hərbi təlim keçirib

Azərbaycan və Türkiyə Silahlı Qüvvələri Azərbaycanda birgə hərbi təlim keçirib.
Sonxeber.az xəbər verir ki, Azərbaycan Müdafiə Nazirliyi Azərbaycan və Türkiyə arasında imzalanmış hərbi əməkdaşlıq sazişi çərçivəsində iki ölkənin iştirakı ilə birgə təlimin keçirildiyini açıqlayıb.Bakı, Cəbrayıl və İmişli rayonlarında döyüş və xüsusi təyinatlı istehkam texnikası və aviasiyadan istifadə etməklə keçirilən təlimdə Azərbaycan ordusunun və Türkiyə Silahlı Qüvvələrinin müxtəlif bölmələrinin şəxsi heyəti iştirak edib. Təlimdə quru, hava, xüsusi təyinatlı və mühəndis qoşunları ilə yanaşı, raket və artilleriya bölmələri də müxtəlif təlim və döyüş tapşırıqlarını yerinə yetiriblər. Müasir döyüş üsullarının tətbiq olunduğu təlimdə hərbi əməliyyatlar zamanı artilleriya, hava və digər qoşunların fəaliyyətinin təşkili, çaylar üzərində keçid körpülərinin yaradılması və digər tapşırıqlar yerinə yetirilib. Birgə təlimdə döyüş zamanı qoşunların koordinasiyasının təmin edilməsi, idarəetmənin təkmilləşdirilməsi, təcrübə mübadiləsi və şəxsi heyətin peşəkarlığının artırılması məqsədi daşıyır.

Şəbnəm Lətifi

Telegramda izləyin