"Azərbaycan davamlı olaraq qardaş Türkiyə və tərəfdaş ölkələrlə birgə hərbi təlimlər keçirir" - DEPUTAT

"Azərbaycan və Türkiyə Respublikaları arasında "hərbi sahədə əməkdaşlıq haqqında" müqaviləyə əsasən keçirilən hərbi təlimlər rəsmi Tehrana, eləcə hələ də Qarabağda gizlənən erməni terrorçularına "qardaşların dəmir yumruğu yerindədir" ismarışı kimi qiymətləndirməkdir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Azərbaycan və Türkiyə Silahlı Qüvvələrinin müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikasının və hərbi aviasiya vasitələrinin cəlb olunması ilə keçirilən təlim Bakı şəhərini, eləcə də Astara, Cəbrayıl və İmişli rayonlarının ərazilərini əhatə edir:

"Ssenariyə uyğun olaraq Azərbaycan Ordusunun Quru Qoşunları, Hərbi Hava Qüvvələri, Xüsusi Təyinatlı Qüvvələr, Mühəndis Qoşunları, Raket və Artilleriya Qoşunlarının bölmələri Türkiyə Silahlı Qüvvələrinin hərbiçiləri ilə birgə müxtəlif təlim döyüş tapşırıqlarını yerinə yetirirlər. Təlimdə müasir döyüş üsullarından istifadə etməklə artilleriya, aviasiya və digər qoşun növlərinin hərbi əməliyyatlarda tətbiqi, onların qarşılıqlı əlaqədə fəaliyyətinin təşkili, çaylar üzərindən keçid açmaq məqsədilə panton körpülərin salınması, şərti düşmənin dərinliyinə desant endirilməsi üzrə müxtəlif tapşırıqlar da icra edilir. Belə ki, təlimdə müasir döyüş üsullarından istifadə etməklə artilleriya, aviasiya və digər qoşun növlərinin hərbi əməliyyatlarda tətbiqi, onların qarşılıqlı əlaqədə fəaliyyətinin təşkili, çaylar üzərindən keçid açmaq məqsədilə panton körpülərin salınması, şərti düşmənin dərinliyinə desant endirilməsi üzrə müxtəlif tapşırıqlar da icra edilir. Bu təlimləri digərlərindən fərqləndirən xüsusiyyət Özbəkistan və Qırğızıstanın hərbi qulluqçularının qoşulacağıdır".

Deputat vurğulayıb ki, Azərbaycan və Türkiyə ordularının birgə təlimləri bölgədə sabitliyin qorunub saxlanılmasına xidmət edir:

"Azərbaycan davamlı olaraq qardaş Türkiyə və tərəfdaş ölkələrlə birgə hərbi təlimlər keçirir. Bu təlimlər qarşılıqlı təcrübə mübadiləsi nəticəsində bilik və bacarıqlarının artırılmasına müsbət təsir edəcək.

Birgə hərbi təlimlərin əhəmiyyətini və müsbət nəticəsini 2020-ci ildəki 44 günlük müharibədə Azərbaycan Ordusunun, xüsusilə də də xüsusi təyinatlılarının keçirdiyi əməliyyatları göz önünə gətirsək aydın təsəvvür yaranar. Hazırda Azərbaycan Ordusu 44 günlük Vətən müharibəsində, xüsusilə də Şuşa döyüşlərində göstərdiyi yüksək döyüş qabiliyyəti bir çox ölkələr tərəfindən öyrənilməkdədir. Vətən müharibəsindən əvvəl olduğu kimi bu gün də hərbi sahəyə xüsusi diqqət ayrılır. Ordumuz ən müasir silah-sursat və hərbi texnika ilə təmin olunub. Ali Baş Komandan İlham Əliyevin rəhbərliyi ilə ordumuz günü-gündən güclənməkdədir. Bu gün Azərbaycan ordusu hər bir təxriabta layiqincə cavab vermək gücünə malikdir. Ona görə də məsləhət görərdim ki, İran, Ermənistan və onun havadarları bundan sonra atdığı addımları yüz ölçüb, min biçməlidir".

Aysel Yusifqızı

Telegramda izləyin