İranda daha bir nəfər edam edilib

İranda etiraz aksiyaları zamanı İnqilab Keşikçiləri Korpusunun iki üzvünü öldürən nümayişçi ictimaiyyət qarşısında edam edilib.

Sonxeber.az xəbər verir ki, İranda keçirilən etiraz aksiyaları zamanı İnqilab Keşikçiləri Korpusunun 2 bəsic üzvünü öldürməkdə və 4 nəfəri yaralamaqda təqsirli bilinən 23 yaşlı Mecidriza Rəhnavardın hökmü bu gün səhər saatlarında Məşhəd şəhərində açıq şəkildə icra edilib.

Məşhəd İnqilab Məhkəməsinin hazırladığı ittiham aktına görə, Məcidrza Rəhnəvərd qəsdən adam öldürmə, dövlətə qarşı müharibə aparmaq və 4 nəfəri qəsdən yaralama cinayətlərinə görə edam cəzasına məhkum edilib. Noyabrın 18-də həbs edilən və noyabrın 29-da edam cəzasına məhkum edilən Rəhnavard İranda Mahsa Əmini etirazları ilə bağlı edam edilən ikinci nümayişçi oldu. Muhsin Şikari adlı nümayişçi keçən həftə Beşiç üzvünü yaraladığı üçün asılmışdı.

İranda Mahsa Əmininin ölümündən sonra ölkə daxilində başlayan və təxminən 3 aya yaxın davam edən etirazlarda həbs olunan 11 nəfər haqqında edam hökmü çıxarılıb.

Şəbnəm Lətifi

Telegramda izləyin