Məkkədən güclü yağış səbəbindən çölə çıxmamaq xəbərdarlığı edilib

Səudiyyə Ərəbistanının Məkkə şəhərində leysan yağışların yaratdığı daşqın səbəbilə tədris dayandırılıb.
Sonxeber.az xəbər verir ki, Məkkə Əmirliyinin Böhran və Fəlakət İdarəetmə Mərkəzi əhaliyə yağışlar bitənə qədər çölə çıxmamaq barədə xəbərdarlıq edib.
"Təhlükəsizliyiniz üçün yağışlı hava bitənə qədər evdə qalmağınızı və gölməçələrin meydana gəldiyi ərazilərdən uzaq durmağınızı xahiş edirik" ,- deyə bəyanatda bildirilib.
Açıqlamada qeyd olunub ki, qruplar yağış sularının əmələ gətirdiyi yığılmaların aradan qaldırılması üçün işləri davam etdirirlər.

Təhsil Nazirliyinə bağlı Məkkə Təhsil Müdirliyinin sosial media hesabından edilən yazılı açıqlamada tələbələrin təhlükəsizliyi üçün Məkkədə təhsilin dayandırıldığı bildirilib.

Qeyd edək ki, noyabrın 24-də baş verən sel fəlakətində 2 nəfər ölüb, çoxlu sayda ev və avtomobilə ziyan dəyib.

Şəbnəm Lətifi

Telegramda izləyin