Böyük Britaniyada pis hava şəraiti səbəbindən uçuşlar təxirə salınıb

İngiltərənin paytaxtı Londonda davam edən pis hava şəraiti səbəbindən Stansted hava limanında bütün uçuşlar dayandırılıb.

Sonxeber.az BBC-yə istinadən xəbər verir ki, ölkəyə təsir edən qar, buzlanma və dumandan sonra "Heathrow" və "Gatwick" hava limanlarında 50-dən çox reys təxirə salınıb.

"Stansted" Hava Limanından dünən gecə qar təmizləmə üçün tək eniş zolağının bağlandığı və bütün uçuşların dayandırıldığı bildirilib.

Bu gün Hitrouda təyyarələrin hava limanına giriş-çıxışı məhdudlaşdırılacaq.

"Stansted" və "Gatwick"-də uçuşların ləğv edilib-edilməyəcəyi hələ dəqiqləşdirilməyib.

Ölkədə pis hava şəraiti səbəbindən qatarların hərəkəti gecikib və bəzi magistrallarda qəzalar baş verib.

Şotlandiya, London və cənub-qərb İngiltərə üçün sarı hava xəbərdarlığı və işıqların kəsilməsinin bu səhərə qədər davam edəcəyi gözlənilir.

Şəbnəm Lətifi

Telegramda izləyin