"Ermənistan hakimiyyəti bütün bədnam əməllərindən əl çəkməlidir" - DEPUTAT

"Bu gün azərbaycanlı eko aktivistlərin nümayişinin 5-cü günüdür. Bu gün aksiya iştirakçıları tələb və şüarlarında dəyişikliklər ediblər və onlar bildirirlər ki, bunlar yerinə yetirilməyincə Laçın dəhlizindən çəkilməyəcəklər".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, ekovistləri dəstəkləyib, haqlı olduqlarını düşünürəm:

"Bəli Azərbaycan öz ərazi bütövlüyünün beynəlxalq aləmin, BMT kimi qurumların təsdiqiylə tanınmış qaydada bərpa edib. Həmçinin, son iki ildə öhtəliyimizə düşən razılaşmanın bütün bəndlərinə əməl edilib. Qarşı tərəf isə tarixi riyakarlığına davam edir. 21-ci əsrdə Ermənistan Azərbaycana qarşı ekoloji terror aktı həyata keçirir. Lakin yenə də beynəlxalq birliyin üzvü olan hüquq carçısı bəzi dövlətlər onu müdafiə edir. Elə bu səbəbdən də bu vəziyyətdən narahat olan Azərbaycan aktivistləri günlərdir Laçın yolunda aksiya edir. Bu tələblər artıq erməni terrorundan bezən bir xalqın üsyanıdır. İki ildir ki Ermənistan sülhməramlıların arxasında gizlənərək Laçın dəhlizi vasitəsilə Azərbaycan ərazisində talançılıqla məşğuldur. Bunu da Azərbaycan ərazisində yaşayan və yaşamağa da davam edəcək ermənilərin əli ilə edir".

Deputat vurğulayıb ki, sırf bu səbəbdən də Ermənistan rəhbərliyi Xankəndidəki ermənilərin taleyi bəhanəsiylə sülh və sərhədlərin müəyyən edilməsi məsələsindən qaçır:

"Təbii ki, Ermənistan rəhbərliyini Azərbaycan vətəndaşlığına keçəcək olan xalq yox, Laçın dəhlizi vasitəsilə həyata keçirdikləri talançılıq maraqlandırır. Etiraz edənlər çox düzgün tələb irəli sürürlər, bəli Xankəndidə Azərbaycan Gömrük, DİN və bütün orqanlarının şöbələri fəaliyyətə başlamalıdır. Əks halda nə mina terroru, nə də bu talançılıq dayanmayacaq. Müharibədən sonra aşkarlanan minaların əksəriyyətinin istehsal tarixləri postmüharibə dövrünə aiddir. Bunu ölkə başçısı da dəfələrlə qeyd edib, beynəlxalq təşkilatlara müraciətlər ünvanlanıb. Necə ki 30 il beynəlxalq səviyyədə işğal təsdiqlənsə də, bütün beynəlxalq qurumlar buna susurdu. Nəhayət ki Azərbaycan ordusu hərəkətə keçdi və 44 gün ərzində torpaqlarımızı işğaldan azad etdi. İndi də eyni hal yaşanır və xalq bu vəziyyətdən narahat olub. Bakı və bölgələrdən də Laçın dəhlizindəki aksiya iştirakçılarına qoşulmaq üçün insanlar hərəkətə keçir. Bu ümumxalq etiraz səviyyəsinə qaldırılmaqla həll edilməlidir. Necə ki iyul döyüşləri zamanı etiraza qalxan xalq 44 günlük müharibənin və zəfərin memarı oldu. İndi də xalq narazılığı daha da intensivləşib, kütləviləşmədən Ermənistan hakimiyyəti bütün bədnam əməllərindən əl çəkməlidir".

Aysel Yusifqızı

Telegramda izləyin