Tanınmış iş adamı haqqında yazılanlara cavab verdi - AÇIQLAMA

İş adamı Dilsuz Dəmirçiyev son günlər bəzi xəbər saytlarında haqqında yazılanlara münasibət bildirib.

Onun açıqlamasında deyilir:"Muzikol" ailəvi əyləncə məkanı nədənsə bir çox KİV vasitələrində gecə klubu kimi təqdim olunur. Halbuki bu məkan sırf ailəvi əyləncə məkanı kimi nəzərdə tutulub, müğənni və incəsənət nümayəndələrinin iştirakı ilə əyləncəli məclislər təşkil olunur. Hətta bir çox böyük tədbirlərə də təşkilatçılıq və sponsorluq edilib.
Dilsuz Dəmirçiyev bundan əlavə bildirib ki, bəzi KİV nümayəndələri onu gözdən salmaq məqsədi ilə "Klublar kralı" adlandırıblar və onun barəsində xoşagəlməz ifadələr işlədiblər: "Azərbaycan müasir, dünyəvi dövlətdir və burada gecə klublarının fəaliyyəti, gecə klubu işlətmək qadağan deyil. Ölkədə də bir çox klublar var və bunların hər birinin ayrı-ayrı sahibi var. Yəni kiməsə "klublar kralı" və s. uyğun olmayan ləqəbi vermək qətiyyən doğru deyil".
Dilsuz Dəmirçiyev ən sonda onların idarəçiliyində olan istənilən əyləncə məkanı, gecə klubunun qanunlar çərçivəsində idarə edildiyini, şəffaf xəbər hazırlamaq istəyən media nümayəndələri üçün hər zaman qapılarının açıq olduğunu bildirib:
"Sahibkara dəstək olmaq əvəzinə ona böhtan atmaq, adını ləkələmək heç də xoş bir əməl deyil"./Xezerxeber

Telegramda izləyin