ABŞ-da turbulentliyə girən təyyarədəki sərnişinlərdən 36-sı yaralanıb

ABŞ-ın Arizona ştatından Havay adalarının paytaxtı Honoluluya gedərkən turbulentliyə girən Hawaiian Air reysinin 36 sərnişininin yaralandığı bildirilib.
Sonxeber.az ABŞ mətbuatına istinadən xəbər verir ki, təxminən 30 dəqiqə ərzində nadir turbulentliyə tutulan təyyarədə olan 278 sərnişin və 10 ekipaj üzvündən 11-i ağır olmaqla 36 nəfərin yaralandığı bildirilib.
Aviaşirkət qeyd edib ki, yaralılara hava limanında ilkin tibbi yardım göstərilib, bəziləri isə təcili yardım üçün yerli xəstəxanalara aparılıb.

Honoluludakı yerli xəstəxananın tibb işçiləri 36 yaralıdan bəzilərinə, o cümlədən 14 aylıq körpəyə ağır kəllə-beyin travması, kəsiklər, qançırlar, ürəkbulanma və huşsuzluq diaqnozu qoyublar.

Şəbnəm Lətifi

Telegramda izləyin