Bu il övladı dünyaya gələn azərbaycanlı məşhurlar - FOTOLAR

Xəbər verdiyimiz kimi, müğənni Sevda Yahyayevanın qızı dünyaya gəlib. Zakir Bayramovla ailəli olan ifaçı övladına Ayla adını verib.
Bu il Sevda ilə yanaşı bir çox azərbaycanlı məşhurlar övlad sevinci yaşayıblar. Həmin məşhurların adlarını təqdim edirik:

2022-ci ilin ilk ayında aktrisa Ülviyyə Xəlilbəyli və aktyor Murad İsmayılın ikinci oğlu dünyaya gəlib. Cütlük uşağa Rasul adını verib.
Azərbaycanlı reper Qurd (Fərid Eminov) 2022-ci ildə üçüncü dəfə ata olub. Leyla Namazzadə adlı xanımla evli olan sənətçinin iyulun 12-sində qız övladı dünyaya gəlib. Qeyd edək ki, bu, Qurdun ikinci evliliyidir. Onun birinci ailəsindən iki oğlan övladı var.
Prodüser Təranə Səmədovanın bu ilin avqustunda ikinci qızı olub. Prodüserin birinci evliliyindən Suel adlı daha bir qızı da var.
Müğənni Vəfa Şərifova da bu il ikinci dəfə ana olub. Onun sentyabrda oğlu dünyaya gəlib.
Nərgiz adlı xanımla 2021-ci ildə nikah masasına oturan aparıcı Cavid Gülün bu ilin sentyabrında övladı dünyaya gəlib. Aparıcının Safiyə adlı qızı olub.
Bu il övladı dünyaya gələn sənətçilər arasında meyxanaçı Tərlan Novxanı da var. Onun avqust ayında oğlu olub. Qeyd edək ki, Tərlanın Fatimə və Kənan adlı daha iki övladı var.
Azərbaycanlı aparıcı Nurlana Cəfərovanın 2022-ci ilin avqust ayında qızı dünyaya gəlib. Qeyd edək ki, pandemiya ərəfəsində ailə quraraq Türkiyənin İzmir şəhərinə köçən Nurlananın Raini adlı bir oğlu var.

Telegramda izləyin