Rusiya ordusu müharibə başlayandan 100 mindən çox əsgər itirib

Ukraynada müharibənin başladığı 24 fevraldan bəri Rusiya ordusunun 100 min 400 əsgər ölüb.

Sonxeber.az xəbər verir ki,Ukrayna Baş Qərargahından verilən yazılı açıqlamaya görə, müharibənin başladığı 24 fevraldan bu yana ümumilikdə 100 min 400 rus əsgəri həlak olub, son 24 saatda Rusiya ordusundan 660 əsgər zərərsizləşdirilib.

Rusiya ordusuna məxsus 283 təyyarə, 267 helikopter, 3 min 3 tank, 5 min 981 zirehli texnika, 1 978 top, 413 reaktiv yaylım atəşi sistemi və 212 hava hücumundan müdafiə sistemi Ukrayna tərəfindən məhv edilib.

Açıqlamada Rusiya ordusuna aid 4615 avtomobil, 16 gəmi, yüngül sürət qayıqları və 1693 pilotsuz uçuş aparatının məhv edildiyi, Rusiya ordusunun atdığı 653 qanadlı raketin də Ukrayna müdafiə qüvvələri tərəfindən vurulduğu bildirilib.

Rusiyanın müdafiə naziri Sergey Şoyqu sentyabrın 21-də Ukraynadakı müharibədə 5937 rus əsgərinin öldüyünü açıqlayıb.

Şəbnəm Lətifi

Telegramda izləyin