Film kimi ŞOK OLAY: Yemək sifariş verdi, pulu qaytarmadılar, intihar etdi

Türlkiyənin Antakya şəhərində 25 yaşlı Tarık T. gecikdiyi üçün ləğv etdiyi yemək sifarişinin pulunu geri istəyərkən ala bilmədikdə intihar edib.

BiG.AZ türk mətbuatına istinadən xəbər verir ki, müştərinin pulunu geri qaytarmaqdan imtina edən kuryer ona əsas mərkəzə müraciət etməli olduğunu bildirib.

Şirkətin mərkəzi ofisinə gedən Tarık T.-yə əməkdaşlar yalnız onlayn xidmət etdiklərini və pulun 2-3 gün ərzində geri qaytarılacağını bildiriblər.

Bu sözdən sonra özündən çıxan müştəri şirkət işçiləri ilə mübahisə edərək ofisi tərk edib. Daha sonra evindən tüfəngi götürərək yenidən həmin məkana yollanıb və avtomobilinin içindən atəş açıb. Hadisə nəticəsində kuryerlərdən biri dizindən yaralanıb. Şirkəti gülləbaran etdikdən sonra hadisə yerindən uzaqlaşan Tarık T. avtomobilindən düşüb və özünü başından güllələyərək intihar edib.

Telegramda izləyin