ABŞ-da yoldaşını muzdlu qatillərə öldürdən keçmiş polisə verilən ölüm hökmü qüvvədə qaldı

ABŞ-da Ali Məhkəmə 1994-cü ildə Texas ştatının Hyuston şəhərində həyat yoldaşını muzdlu qatillər tərəfindən öldürən keçmiş polis Robert Frattanın edam hökmünü qüvvədə saxlayıb.

Sonxeber.az xəbər verir ki, məhkəmə Frattanın vəkillərinin ölüm hökmünün təxirə salınması ilə bağlı vəsatətini rədd edib.

Qərara əsasən, 1994-cü ildə həyat yoldaşını öldürmək üçün iki kişi işə götürən keçmiş polisin Teksasda axşam saatlarında edam ediləcəyi gözlənilir.

Frattanın yoldaşı ilə üç övladının qəyyumluq mübahisəsi yaşadığı qeyd edilir.

Frattanın vəkilləri şahidlərdən birinin hipnoz edildiyini və dəyişdirildiyini iddia edərək, edamın təxirə salınmasını tələb etmişdilər.

Prokurorlar isə hipnoz iddialarının işin gedişatını dəyişdirəcək yeni məlumat vermədiyini müdafiə ediblər.

33 yaşlı Farah Fratta 1994-cü ildə Hyustondakı evinin qarajında ​​başından güllələnib.

Hadisə şahidlərinin 33 yaşlı qadını keçmiş polis Robert Fratta tərəfindən tutulan muzdlu qatillərin öldürməsi ilə bağlı iddiaları məhkəmə tərəfindən sübuta yetirilib.

Frattanın ölüm hökmü ilk dəfə 1996-cı ildə çıxarılsa da, federal hakimlər tərəfindən iş ortaqlarının etirafları sübut kimi sayılmadığı üçün qərar ləğv edilib.

Robert Fratta 2009-cu ildə yenidən mühakimə olunub və yenidən ölüm cəzasına məhkum edildi.

Muzdlu qatillər üçün də ölüm cəzasının olduğu qeyd edilir.

Şəbnəm Lətifi

Telegramda izləyin