"Qarabağdakı erməni azlığı öz gələcəyini təmin edə bilməz" - RƏY

İstiqamət: İctimai və dövlət maraqlarının müdafiəsi
"Biz gənclərimizin aksiyasının real nəticəsini Xankəndində yaşayan dinc erməni sakinlərinin Azərbaycan dövlətinin müvafiq qurumlarına müraciətində görürük və növbəti aylarda bu müraciətləri daha çox görə biləcəyik".

Bu sözləri politoloq Anar Əliyev Sonxeber.az-a Şuşa-Xankəndi yolunda bir aydır davam edən aksiya ilə bağlı açıqlamasında deyib.
Politoloq bildirib ki, gənclərimiz ortaya iradə qoymaqla Azərbaycan dövlətinin müvafiq qurumlarının strukturlarını heç bir qüvvənin dayandıra bilməyəcəyi reallığını ortaya qoymuş oldular. Gənclərimiz sübut etdilər ki, Azərbaycan ərazisində hakimi-mütləq iradə sahibi xalqımızdır:

"Şuşa-Xankəndi yolunda eko-fəallar və qeyri-hökumət təşkilatı nümayəndələrinin Azərbaycanın təbii sərvətlərinin qanunsuz fəaliyyətinin qarşısını alınması ilə bağlı etiraz aksiyaları davam edir. Hesab edirəm ki, bu çətin hava şəraiti ilə bu aksiyanı keçirən, Azərbaycanın haqq mübarizəsində öz səslərini ifadə edən gənclərimiz hər biri qəhrəmandır. Bu gün Azərbaycan xalqının maraqlarının qorunmasında onların müstəsna rolları var. Gənclərimizin bu aksiyası kifayət qədər uğurlu olmaqla yanaşı, həm də praktik nəticələr doğurub. Bu günə qədər davam edən aksiyanın ən mühüm nəticələrindən biri həm Qarabağdakı erməni azlığının separatçı qüvvələrinin, həm də Ermənistan və havadarlarının başa düşdüyü bir reallığı ortaya qoydu.
Azərbaycanın Qarabağ bölgəsində, Xankəndi, Əsgəran, Xocalıda, rus sülhməramlılarının müvəqqəti nəzarət etdiyi ərazilərdə heç bir proses Azərbaycan xalqının iradəsindən kənarda baş verə bilməz. Qarabağda yaşayacaq erməni azlığının gələcəyi və təhlükəsizliyinin müdafiəsi yalnız Azərbaycan dövlətinin müvafiq qurumları vasitəsilə həyata keçirilə bilər. Digər hər hansı bir ikinci qüvvəyə arxalanaraq heç bir tərəf, eləcə də Qarabağdakı erməni azlığı öz gələcəyini təmin edə bilməz. Aksiyanın ortaya qoyduğu bu reallıq ən mühüm nəticələrimizdən biridir. Digər bir mühüm nəticə artıq qanunsuz istismar edilən, ekoterrorizm həyata keçirilən yataqlarda istismarın dayandırılmasıdır. Hesab edirəm ki, gənclərimiz bu aksiya ilə həm də istismarın qarşısını almış oldular və bu çox ciddi ikinci məsələdir. Üçüncü məsələ ondan ibarətdir ki, gənclərimiz ortaya iradə qoymaqla Azərbaycan dövlətinin müvafiq qurumlarının strukturlarını heç bir qüvvənin dayandıra bilməyəcəyi reallığını ortaya qoymuş oldular. Gənclərimiz sübut etdilər ki, Azərbaycan ərazisində hakimi-mütləq iradə sahibi xalqımızdır.
Separatçı qüvvələrin, xüsusilə də Rusiyada qaranlıq yollarla milyardlar qazanmış və xüsusi tapşırıqla Qarabağa göndərilmiş Ruben Vardanyan, Arayik Harutyunyan, Vitali Balasanyan kimi cinayətkarların bir neçə yüz gəncimizin iradəsi qarşısında heç bir addım ata bilməyəcəyini ortaya qoydular. "Qısa müddət ərzində dəhlizdə bütün nəzarət ermənilərin əlində olacaq" kimi populist,aventürist bəyanatlar səsləndirsələr də, bu bəyanatların heç birinə nail ola bilmədilər. Gənclər prezident İlham Əliyevin Azərbaycanın haqq mübarizəsində apardığı gərgin fəaliyyətə çox ciddi dəstək əlamətləri, müsbət mənada əlavə kompanentlər qatmış oldular. Biz gənclərimizin aksiyasının real nəticəsini Xankəndində yaşayan dinc erməni sakinlərinin Azərbaycan dövlətinin müvafiq qurumlarına müraciətində görürük və növbəti aylarda bu müraciətləri daha çox görə biləcəyik".
Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin