İsrail prezidenti Hersoq prezident Ərdoğanı İsrailə dəvət edib

İsrail prezidenti İsaak Hersoq prezident Rəcəb Tayyib Ərdoğanı İsrailə dəvət edib.

Sonxeber.az xəbər verir ki, Türkiyənin Tel-Əvivdəki səfiri Şakir Özcan Torunların etimadnaməsini təqdim etdiyi mərasimdə İsrail prezidenti İsaak Hersoq prezident Rəcəb Tayyib Ərdoğanı İsrailə dəvət edib.

Səfir İsrailin Qərbi Qüdsdəki prezident iqamətgahında təşkil edilən mərasimdə Hersoq tərəfindən qəbul edilib.

Türkiyə və İsrail 2022-ci il ərzində qarşılıqlı münasibətləri yaxşılaşdırmaq üçün bir çox addımlar atmışdı.

İsrail prezidenti İsaak Hersoqun 2022-ci ilin martında Ankaraya səfərindən sonra xarici işlər naziri Mövlud Çavuşoğlunun may ayında İsrailə səfəri baş tutub. İyun ayında İsrailin baş naziri Yair Lapid də Türkiyəyə səfər edib.

2022-ci il avqustun 17-də Türkiyə və İsrail diplomatik münasibətləri maksimum dərəcədə artırmaq və qarşılıqlı səfirlər təyin etmək qərarına gəliblər.

Bu çərçivədə ilk addım İsraildən gəldi və İrit Lillian 20 sentyabr 2022-ci ildə Ankaradakı İsrail səfirliyinə gətirildi.

İsrailin Ankaradakı səfiri İrit Lillian dekabrın 27-də prezident Ərdoğana etimadnamə təqdim edərək vəzifəsinin icrasına başlayıb.

Şəbnəm Lətifi

Telegramda izləyin