"Bu gün imzalanan sərəncamlar dövlətin vətəndaşların sosial rifahının yaxşılaşdırılması istiqamətində atdığı növbəti addımlarıdır" - DEPUTAT

"Bu il imzalanan sərəncamlarla artırılan əməkhaqları, pensiyalar və təqaüdlər cənab Prezidentin 2019-cü ildən bu yana həyata keçirdiyi dördüncü sosial islahatlar paketidir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, ölkə başçısı tərəfindən bu gün imzalanan sosial yönümlü sərəncamlar dövlətimizin vətəndaşlarımızın yaşayış şəraitinin yaxşılaşdırılması istiqamətində atılan növbəti addımdır:

"Bu gün imzalanan sərəncamlar ümumilikdə 660 min nəfəri əhatə edəcək. Bir neçə gün öncə ölkə başçısının imzaladığı sərəncamla minumal əmək haqqı 345 çatdırıldı. Bu gün isə müəyən qurumlarda çalışanların əmək haqları da 15% artırılıb. Bundan əlavə dövlət başçısının imzaladığı digər sərəncamlarla yaşa və ailə başçısının itirilməsinə görə, 5 yaşından çox uşağı olan qadınlara verilən müavinət, eləcə də doğuma və dəfn prosesinə aid təyin olunan müavinətlərin məbləği xeyli artırılacaq".

Deputat vurğulayıb ki, bu gün dövlət başçısının imzaladığı müvafiq sərəncamlarla şəhid ailələrinə və müharibə əlillərinə verilən təaqüdlər də artırıldı:

"Son 4 ildə şəhid ailələrininə və müharibə əlillərinə verilən müavinət 2,5 dəfə artıb. Mən cənab prezidentin bu gün imzaladığı sərənacamları ölkəmizdə şəhid ailələri və müharibə əlillərinin sosial müdafiəsinin təmin edilməsi və problemlərinin həlli istiqamətində atılan addımların davamı kimi dəyərləndirirəm. Bilirsiniz ki, dövlət başçısının imzaladığı müvafiq sərəncam ilə 2021-2025-ci illər ərzində şəhid ailələri, müharibə əlilləri və digər həssas qrupa aid olan insanların mənzillə tam təminatının həyata keçirilməsi üçün dövlət proqramı təsdiqlənib. Bu proqrama əsasən bu il şəhid ailəsi və müharibə əlillərinə 1500 mənzil verilməsi gözlənilir. Qeyd edim ki, keçən il şəhid ailəsi və müharibə əlillərinə 1500 mənzil verilib. Ümumilikdə düşünürəm ki, bu kataqoriyadan olan ailələrin yaşayış şəraitinin yaxşılaşdırılması və üzləşdikləri problemlərin həlli istiqamətində dövlət tərəfindən atılan addımlar davam etdiriləcək".

Deputat söyləyib ki, bu gün dövlət başçısı tələbələri də unutmadı:

"Belə ki, cənab prezidentin imzaladığı fərmanla ali məktəb tələbələri üçün nəzərdə tutulan Prezident təqaüdünün məbləğinin artırılıb. Bu fərman tələbələrin sosial durumunu yaxşılaşdırmaqla yanaşı, təhsilə olan marağı daha da artıracaq. Ümumilikdə bu bir neçə gün ərzində cənab prezident tərəfindən imzalanan sərəncam və fərmanların məqsədi vətəndaşların sosial rifahının yaxşılaşdırılmasıdır. Əminəm ki, dövlət tərəfindən atılan bu kimi addımlar bundan sonra da davam edəcək".

Aysel Yusifqızı

Telegramda izləyin