Əfqanıstanda 45 narkoman donaraq ölüb

Əfqanıstanın qərbində yerləşən Herat vilayətində qış mövsümü başlayandan küçələrdə yaşayan 45 narkotik aludəçisinin donaraq ölüb.

Sonxeber.az xəbər verir ki, Herat Polis İdarəsinin Narkotiklərlə Mübarizə Şöbəsinin direktoru Hayatullah Ruhani məsələ ilə bağlı mətbuata açıqlama verib.

"45 narkoman ölüb. Biz narkomanların toplanması prosesinə başlamışıq", - deyə Ruhani bildirib.
Ruhani son günlər təxminən 3500 narkomanın küçələrdən çıxarılaraq reabilitasiya mərkəzlərinə göndərildiyini qeyd edib.

Son bir neçə gündə ölkə daxilində soyuq hava səbəbindən aralarında narkomanların da olduğu 24 nəfərin donaraq öldüyü açıqlanıb.

Əfqanıstanda iqtisadi böhran səbəbindən qışda odun və kömür ala bilməyən böyük bir aztəminatlı insan qrupu var.

Bundan əlavə, kənd yerlərində rəsmi uçotun aparılmaması da oxşar qurbanların sayının daha çox olması ehtimalını artırır.

Xüsusilə qış mövsümündə əlverişsiz hava şəraiti ilə əlaqədar yaranan nəqliyyat çətinlikləri humanitar təşkilatların ehtiyacı olan ailələrə yardım çatdırmasını çətinləşdirir.

Şəbnəm Lətifi

Telegramda izləyin