İsrail qüvvələri 2 fələstinlinin evini dağıdıb

İsrail qüvvələri işğal altındakı İordan çayının qərb sahilində 2 fələstinlinin evini lisenziyasız olduqlarını iddia edərək söküb.

Sonxeber.az xəbər verir ki, İsrail ordusu buldozerlərin müşayiəti ilə İordan çayının qərb sahilindəki Yerixo şəhərinin Çiftlik qəsəbəsinə hücum edib.

İsrail qüvvələri Əhməd Əbu Fellah və Səud əl-Kəbininin lisenziyasız olduğu iddia edilən evlərini söküb.

Sökülən evlərin işğal altındakı İordan çayının qərb sahilinin İsrailin nəzarətində olan C zonasında olduğu bildirilib.

İsrail 1967-ci ildə işğal etdiyi Şərqi Qüds və İordan çayının qərb sahilində fələstinlilərə məxsus ev və tikililəri lisenziyasız olduqlarını əsas gətirərək sökür. Fələstinlilərin icazə almaq cəhdləri uğursuzluqla nəticələnir. .

1995-ci ildə Fələstin və İsrail arasında imzalanan "İkinci Oslo Razılaşması" çərçivəsində işğal altındakı İordan çayının qərb sahili A, B və C bölgələrinə bölünüb.

İordan çayının qərb sahilinin 18 faizini əhatə edən "A zonası"nın idarəsi inzibati və təhlükəsizlik baxımından Fələstinə keçib, "B bölgəsi"nin 21 faizlik inzibati idarəsi Fələstinə, onun təhlükəsizliyi 61 faizini əhatə etməklə İsrailə,"C zonası"nın idarəsi və təhlükəsizliyi İsrailin ixtiyarına verilib.

Şəbnəm Lətifi

Telegramda izləyin