İsveçdə iki iranlı qardaşa casusluq maddəsi ilə həbs cəzası verilib

İsveçdə İran əsilli İsveç vətəndaşı olan iki qardaş Peyman və Payam Kia məxfi məlumatları Rusiyaya ötürdükləri üçün həbs cəzasına məhkum edilib.
Sonxeber.az xəbər verir ki, Stokholm Məhkəməsi casusluq maddəsi ilə mühakimə olunan Peyman Kianı ömürlük, Payam Kianı isə 9 il 10 ay həbs cəzasına məhkum edib.

İranlı qardaşların İsveçin təhlükəsizliyini pozmaq üçün birlikdə və məsləhətləşərək Rusiya kəşfiyyatının xeyrinə məlumat topladığı müəyyən edilib.

Dekabrın 21-də baş prokuror Peter Lindqvist Rusiyaya məxfi məlumat ötürdüyü iddia edilən iranlı qardaşların ömürlük həbs cəzasına məhkum edilməsini tələb edib.

42 yaşlı İran əsilli Peyman və onun İsveç Silahlı Qüvvələrinin Xarici Müdafiə Kəşfiyyat İdarəsində xidmət edən 35 yaşlı qardaşı Payam Kia 28 sentyabr 2011-ci il və 20 sentyabr 2021-ci il tarixləri arasında məxfi məlumatları Rusiyaya ötürməkdə ittiham olunurlar. .

Peyman Kia 2021-ci ilin sentyabrında, qardaşı Payam Kia isə 2021-ci ilin noyabrında həbs edilib.

16 noyabr 2022-ci ildə Stokholm Məhkəməsində başlayan işin dinləmələri məxfilik səbəbi ilə qapalı keçirilib.

Şəbnəm Lətifi

Telegramda izləyin