Kanada yerlilərə 2 milyard dollar təzminat ödəyəcək

Kanada qaranlıq keçmişi ilə üzləşir. Mədəni soyqırım üçün üzr istəyən və 20 milyard dollar təzminat ödəməyə razı olan Kanada bu dəfə yerlilərin mədəni itkiləri üçün 2 milyard dollar ödəyəcək.
Avropadan Kanadaya immiqrasiya yerlilər üçün soyqırım və assimilyasiya ilə nəticələnib.

Yerlilərin öz mədəniyyətlərini unudub xristian olmaları üçün kilsə məktəbləri açıldı. 150.000-dən çox uşaq ailələrindən ayrı qalmağa məcbur olub.

Sonxeber.az xəbər verir ki, rəsmi rəqəmlərə görə 157 illik zülmdə ən azı 6 min uşaq ölüb. Lakin məktəb həyətlərində görünən kütləvi məzarlıqlar və qeydiyyatsız uşaqlar real rəqəmin daha çox olduğunu deməyə əsas verir.

Kanada hökuməti 2008-ci ildə bu qeyri-insaniliyə görə rəsmən üzr istəməsindən sonra iddia qaldırıldı.

Hökumət kilsə məktəblərində ölən uşaqlar üçün 20 milyard dollar ödəməyə razılaşıb.

Kanada hökumətinə qarşı mədəni soyqırım ittihamı ilə 2012-ci ildə daha bir iddia qaldırılıb.

Bu dəfə hökumət 2 milyard dollar təzminat qəbul etdi. Kompensasiyanın ödənilməsi üçün qərar məhkəmə tərəfindən də təsdiqlənməlidir.

Kanadadakı kilsə məktəblərinin qaranlıq tarixi 2021-ci ildə bu məktəblərdən birinin bağçasında qeydə alınmayan 751 uşağın kütləvi məzarlarının tapılması ilə üzə çıxdı.

Bunun üzərinə bütün məktəblərin bağçalarında detektorlarla axtarışa başlanılıb.

Ötən həftə bu məktəblərdən birinin bağçasında kütləvi məzarlıq aşkar edilib. Qəbirdə 171 uşağın dəfn edildiyi güman edilir.

Şəbnəm Lətifi

Telegramda izləyin