"Qarabağın erməni icması ilə görüşlər başlamalıdır"- Fərhad Mehdiyev

İstiqamət: İctimai və dövlət maraqlarının müdafiəsi
"Qarabağın erməni icması ilə görüşlər başlamalıdır. Balasanyanın Azərbaycanla dialoqu var idi. Ruben Vardanyanın gəlməsi bu məsələni nəticəsiz qoydu. Başqa biri ilə dialoq lazımdır".

Bu sözləri politoloq Fərhad Mehdiyev Sonxeber.az- a bildirib.

O həmçinin qeyd edib ki, Şuşa-Xankəndi yolundakı aksiyanın həcmi genişləndirilməli və ermənilərin satın ala biləcəyi məhsullar satışa qoyulmalı, onlara səyyar xəstəxanalar qurmaq lazımdır:
"Onu deyə bilərəm ki, Azərbaycan geri addım atmayacaq.Aksiyanın həcmi genişləndirilməlidir. Sadəcə eko-aktivistlər yox, mədəniyyət və tarixin qorunması ilə bağlı fəaliyyət göstərən qeyri-hökumət təşkilatları da aksiyaya qoşulmalıdır. Onlara Xocalıdan olan qaçqınlar qoşula bilər. Onlar tələb edə bilər ki, yaxınlarının məzarını rus sülhməramlılarının müşayiəti ilə görə bilsinlər. Digər tərəfdən bununla bərabər Qarabağın erməni icması ilə görüşlər başlamalıdır. Balasanyanın Azərbaycanla dialoqu var idi. Ruben Vardanyanın gəlməsi bu məsələni nəticəsiz qoydu. Başqa biri ilə dialoq lazımdır. Eyni zamanda Qarabağla Azərbaycanın digər inzibati əraziləri arasında yeni marşrutlar yaradılmalıdır. Sülhməramlıların yerləşdiyi xətdə ermənilərin satın ala biləcəyi məhsullar satışa qoymaq lazımdır. Hansı valyuta ilə alacaqları başqa məsələdir. Səyyar xəstəxanalar qurmaq lazımdır, amma orada işləyən şəxslər azərbaycanlı olmamalıdılar. Beynəlxalq qurumlarla razılaşıb orada işləyən həkimləri çex və polyak kollektivindən qoymaq mümkündür. Bu, iki icma arasında dialoq gətirib çıxaracaq. Dialoqun qurulması üçün addım atmalıyıq".
Politoloq bildirib ki Vardanyanın Putini dəstəkləməsini beynəlxalq ictimaiyyətə çatdırmaq vacibdir:
"Ermənilər beynəlxalq arenada belə fikir formalaşdırırlar ki, onlar blokadadırlar və humanitar fəlakətlə üz-üzədilər. Onunla bağlı ciddi addımlar atılmalıdır. Vardanyan Zelenskinin siyahıya aldığı adamdır. Çünki Vardanyan Putinə dəstək verirdi. Vardanyanın bu üzünü də beynəlxalq arenada çatdırmaq lazımdır".

Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin

instagramda izləyin