"İranın bu hücumu əvvəlcədən düşünülmüş bir cinayətdir" - Vüqar İsgəndərov

"Bu gün Azərbaycanın İrandakı Səfirliyinə edilən xain hücumu İranın Azərbaycanın Vətən Müharibəsindən sonrakı qələbəsinin kininin,nifrətinin təcəssümü kimi qiymətləndirilməlidir. Azərbaycanın tarixi qələbəsinin həzm edə bilməyən, Ermənistan qədər narahatlıq keçirən İranın bu hücumu əvvəlcədən düşünülmüş bir cinayətdir".

Bu sözləri Sonxeber.az-a Milli Məclisin deputatı Vüqar İskəndərov deyib.

O bildirib ki, burada beynəlxalq hüquq pozulub.

"Çünki Azərbaycan Səfirliyinin mühafizə olunması İran dövlətinin borcu və məsuliyyətidir. Terrorçunun İran vətəndaşı olan polisə toxunmadan içəri daxil olaraq azərbaycanlı diplomatlarını öldürməyə cəhd etməsi bir daha bu hücumun kankret sifariş olduğunu göstərdi. Biz dünya ictimaiyyətindən də bu terror aktının pislənməsini gözləyirik. Bütün dünya belə məsələlərdə ayağa qalxmalı və diplomatlara olan hücumu pisləməlidir. İran dövləti təcili olaraq əməliyyat keçirərək bu terroru sifariş edən şəxsləri tapmalı, məsuliyyətə cəlb eləməli və bununla bağlı rəsmi Bakıya məlumat verilməsini təmin etməlidir".
AYSEL ƏKBƏR

Telegramda izləyin

instagramda izləyin