İran: "Azərbaycan səfirliyinə hücumla bağlı istintaq məxfi aparılır"

"Azərbaycan səfirliyinə hücumla bağlı istintaq ilkin mərhələdə məxfi aparılır və hadisənin bütün aspektləri diqqətlə araşdırılır".

Sonxeber.az İran dövlət televiziyasına istinadən xəbər verir ki, bu sözləri İran Ədliyyəsinin sözçüsü Sitayişi paytaxt Tehranda mətbuat konfransı keçirib.

İran sözçüsü bildirib ki, araşdırmalar başa çatdıqdan sonra tapıntılar ictimaiyyətə açıqlanacaq.

İran Ədliyyəsinə bağlı Mizan Xəbər Agentliyinin məlumatına görə, İranın baş prokuroru Məhəmməd Cəfər Müntəziri Azərbaycan Respublikasının Baş prokuroru Kamran Əliyevlə telefonla danışıb.

Müntəziri azərbaycanlı həmkarına hücumun müxtəlif aspektlərinin ölkənin məhkəmə və siyasi hakimiyyət orqanları tərəfindən diqqətlə araşdırıldığını bildirib.

Qeyd olunub ki, Azərbaycan Respublikasının Baş prokuroru Əliyev İranın məsələ ilə bağlı diplomatik və məhkəmə səylərini yüksək qiymətləndirib və bəyan edib ki, iki dost və qonşu ölkə arasında əməkdaşlıq və ikitərəfli qarşılıqlı fəaliyyət imkanlarının itirilməsinə yol verilməməlidir.

Qeyd edək ki, yanvarın 27-də Azərbaycanın Tehran səfirliyinə silahlı basqın nəticəsində səfirliyin mühafizə rəisi həlak olub, iki mühafizəçi yaralanıb.

Şəbnəm Lətifi

Telegramda izləyin